Мэдлэгийн сан

Outlook POP / Имэйлээ хэрхэн компьютер дээрээ татаж авах вэ?/  Хэвлэх

Сайн байна уу?
Бизнес имэйл үйлчилгээний имэйл хаяг дахь мэйлүүдийг Outlook програм дээр татаж авах зааврыг танд хүргэе.
 
Дэлгэцэнд Outlook програмын эхлэл хуудас харагдаж байна. Эхлэл хуудас нь Outlook програмын хувилбар бүрт ижил байна.
Next товчийг дарна.
Yes гэж сонгоод Next дарна.


 
Outlook програмын хувилбараас хамаарч дараах хэсэгт багахан ялгаатай байдаг. Үүнийг тус бүрд нь харуулъя:
 
1. Outlook 2007 ба 2010 хувилбарын хувьд
Серверийн тохиргоог гараар тохируулах сонголтыг чагтлаад Next ийг дарна.
Internet email гэж сонгоод Next товчийг дарна.


 
2. Outlook 2013 ба 2016 хувилбарын хувьд:
Серверийн тохиргоог гараар тохируулах сонголтыг чагтлаад Next ийг дарна.
POP or Imap гэж сонгоод Next дарна.




Үүнээс цааших тохиргоо хувилбаруудад ижил байна.
Имэйл хаягаа тохируулах үндсэн цонх дэлгэцэнд харагдаж байна.
1.  Эхлээд нэрээ бичье. Энэ нэр таны илгээж байгаа имэйл дээр харагдах юм. Имэйл хаягаа бичнэ.
2.   Account-ийн төрөл дээр POP болон IMAP гэсэн 2 cонголт байдаг.
POP тохиргоотой үед Outlook програм нь серверийн зөвхөн Inbox хавтастай харьцаж, Inbox хавтас дах мэйлүүдийг компьютерт татаж аваад сервер дээр устгадаг. Outlook програмаас илгээсэн бүх имэйл компьютер  дээр хадгалагдаж байдаг. Сервер дээр хадгалагддаггүй. Таны мэйлбокс буюу имэйлийн багтаамж дүүрсэн үед энэ тохиргоог ашиглана. 
Харин IMAP тохиргоотой үед Outlook програм серверийн бүх хавтастай харилцдаг.  Outlook дээрх имэйл унших, зөөх, устгах, илгээх зэрэг бүх үйлдлүүд вэбмэйл болон сервер дээр давхар хийгдэж байдаг. Хэрэв та имэйлээ гар утас, таблет, компьютерийн аль алинаас нь шалгадаг бол эдгээр төхөөрөмж дээр мэйл хаягаа IMAP-аар тохируулж ашиглаарай.
Outlook дээр имэйл хаягийг POP-аар тохируулж үзэцгээе.
Аккаунтын төрөл хэсэгт  POP-ийг сонгоно.
 
Incoming mail cервер хэсэгт өөрийн ашиглаж байгаа POP холболт үүсгэх серверийн нэрийг бичнэ.
Windows dos цонхыг нээж ямар серверийн нэр бичихээ харцгаая.
ping командыг бичээд POP. гээд өөрийн домэйн нэрээ бичээрэй. Харин миний хувьд test.mn гэж бичнэ.
keyboard ний enter товчийг дарна.
test.mn домэйн нэрний хувьд дэлгэцэнд харагдаж байгаа энэ нэр нь POP серверийн нэр юм. Харин та Pinging гэдэг үгний ард ямар нэр гарж ирсэн тухайн нэрээ incoming mail server хэсэгт бичиж өгөөрэй.


 
Outgoing mail server  хэсэгт өөрийн ашиглаж байгаа SMTP холболт үүсгэх серверийн нэрийг бичнэ. 
Windows dos цонхоо ахин нээж ямар серверийн нэр бичихээ харцгаая.
ping командыг бичээд SMTP. гээд өөрийн домэйн нэрээ бичээрэй. Харин миний хувьд test.mn гэж бичнэ.
keyboard ний enter товчийг дарна.
test.mn домэйн нэрний хувьд дэлгэцэнд харагдаж байгаа энэ нэр нь SMTP серверийн нэр юм. Харин та Pinging гэдэг үгний ард ямар нэр гарж ирсэн тухайн нэрээ outgoing mail server хэсэгт бичиж өгөөрэй.


 
3. Username дээр имэйл хаягаа бүтнээр нь бичнэ
Password хэсэгт имэйл хаягынхаа нууц үгийг бичнэ.
Ингээд more settings товчийг дарж бусад тохиргоог гүйцэтгэе.


1. outgoing server таб дээр дарна
SMTP сервер баталгаажуулалт шаардана гэсэн хэсгийг чагтлана.
“мэйл хүлээн авах серверийн тохиргоотой ижил тохиргоог ашиглана” гэсэн хэсэг мөн адил чагтлагдсан байна.


2. Advanced таб дээр дарна.
Incoming mail server хэсгийн портын дугаарыг 995 болгоно.
энэ сервер SSL холболтыг шаардана гэсэн хэсгийг чагтлана.
Outgoing mail server хэсгийн encrypte холболтын төрлийг TLS гэж сонгоно
имэйл илгээх сервертэй холбогдох портын дугаарыг 587  болгоно
Delivery буюу дамжуулах хэсэгт байгаа "сервер дээр имэйлийн хуулбарыг үлдээх” гэсэн хэсгийг чагтлахгүй орхино.
OK товчийг дарж тохиргоогоо хадгалая.


Имэйлийн тохиргоог турших товчийг дарж имэйл хаягаа имэйл илгээх болон хүлээн авах сервертэйгээ холбогдож байгаа эсэхийг шалгана.
Тохиргоо зөв бол имэйл хүлээх авах серверт нэвтрэх болон тест мэйл илгээх хэсгийн статус нь хоёулаа Completed болно.
Close товчийг дарж цонхоо хаана.




Ингээд Next товчийг дарж ахин шалгана. Мөн адил 2 статус нь completed болно.
Close товчийг дарж цонхоо хаая.


Finish товчийг дарж тохиргоогоо дуусгана.
 

Энэ хариулт танд асуудлаа шийдэхэд тусалж чадсан уу?

Холбоотой нийтлэлүүд

Mac дээр имэйл хаягаа тохируулах нь (Mail App/ IMAP)
Сайн байна уу? Бизнес имэйл үйлчилгээний email хаягыг MAC ийн Mail app дээр тохируулах заавар...
Mac дээр имэйл хаягаа тохируулах нь ( Mail App/ POP )
Сайн байна уу? Бизнес имэйл үйлчилгээний email хаяг дах мэйлүүдийг MAC ийн Mail app дээр татаж...
Thunderbird дээр имэйл хаягаа тохируулах нь /IMAP
Та бүхэнд Бизнес имэйл үйлчилгээний имэйл хаягийг Thunderbird програм дээр тохируулах заавар...
Thunderbird дээр имэйл хаягаа тохируулах нь /POP
Сайн байна уу? Та бүхэнд Бизнес имэйл үйлчилгээний имэйл хаяг дах мэйлүүдийг Thunderbird програм...
Android утас дээр имэйл хаягаа тохируулах нь
Сайн байцгаана уу? Энэхүү видео заавраар Android үйлдлийн системтэй утсан дээр вэб байршуулах...